Kvart år vert det arrangert konkurransar (OL) i matematikk, fysikk og kjemi blant elevar i vidaregåande skule. Tilsaman deltek fleire tusen elevar frå heile landet i desse konkurransane. Gjennom ei innleiande runde på kvar enkelt skule får elevane høve til å kvalifisere seg til runde nummer to i konkurransen. Dei omlag 20 beste frå runde nummer to er kvalifisert til landsfinale.  Dei beste frå landsfinalen er vidare kvalifisert til ein internasjonal olympiade i faget. Ved Firda har vi gode tradisjonar frå desse konkurransane og har i fleire år hatt finalistar i fleire av finalane.

Vidar Klungre til landsfinalen både i matematikk, fysikk, kjemi og informatikk 2007
Oppgåvene i 2. runde i matematikk var vanskelege dette året. Vidar klarte likevel ein flott 3. plass og er no klar for landsfinalen i Trondheim 8.-9. mars. Les meir her:  http://abelkonkurransen.no/
I landsfinalen vart Vidar nr. 6.

Også i informatikk har Vidar Klungre kvalifisert seg til landsfinalen i år med ein flott 5. plass.
Les meir her: http://www.nio.ntnu.no/?menu=olympiad
I landsfinalen vart Vidar nr. 9.

Resultatet frå 2. runde i fysikk er no klart. I fysikk slo Vidar Klungre til igjen som best i landet med 24 poeng av 24 moglege. Ingen andre hadde over 22 poeng. Han er no kvalifisert til landsfinalen.
Les meir om fysikk-OL her: http://www.fys.uio.no/skolelab/fysikkol/ 
I landsfinalen 30. mars gjekk Vidar heilt til topps. Gratulerer!!   Sjå resultatlista her.

I kjemi er han også mellom dei 16 beste i landet og er kvalifisert for landsfinale. Her er ikkje finalistane rangert etter poeng. Les meir her: http://www.kjemi.uio.no/kjemiolympiade/russland.html
I landsfinalen vart Vidar ikkje blant dei 9 beste. Dei andre vart ikkje rangert.

Dette betyr at Vidar er kvalifisert til landsfinalen både i alle dei fire realfaga - ein fantastisk prestasjon!

Vi gratulerer!

Vidar Klungre (3AAA)

Fysikk - OL  (landsfinalen 2006)
Landsfinalen i fysikk vart halden ved Universitet i Oslo fredag 7. april. Firda sine to deltakarar i landsfinalen, Atle Rygg Årdal og Vidar Klungre, gjorde ein kjempeinnsats og enda på 3. plass (Atle Rygg Årdal) og 5. plass (Vidar Klungre). Vidar går no i 2. klasse i vidaregåande, medan alle dei andre deltakarane i finalen var 3. klassingar. Dette gjer resultatet endå meir imponerande. Dei er begge no i den situasjon at dei kan velje om dei vil delta i den internasjonale finalen i matematikk i Slovenia eller finalen i fysikk i Singapore. Dei har begge allereie bestemt seg for matematikkfinalen i Slovenia, sjølv om Singapore kanskje hadde vore eit meir spennande reisemål.
Vi gratulerer begge for flott innsats og ynskjer lukke til i Slovenia til sommaren!

Vidar Klungre (2AAA)

Atle Rygg Årdal (3AAA)

Fysikk - OL  (2. runde i fysikkolympiaden 2005/2006)
No er resultatet frå 2. runde i fysikkolympiaden klart. Også her gjorde elevane frå Firda det skarpt  med to plassar mellom dei 18 som går til landsfinalen. Firda er einaste skulen i fylket med deltakarar i landsfinalen og ein av to skular i landet med meir enn ein deltakar i finalen. Dei to finalistane i fysikk-OL er:

Vi gratulerer! I fysikk var det Vidar som kom best ut med 17 poeng og delt 5. plass og Atle med 14 poeng og delt 14. plass. 3. - 7. april skal dei til treningsleir og norsk finale ved Fysisk institutt, Universitetet i Oslo. Dei fem beste her går til den internasjonale finalen i Singapore til sommaren. Les meir om fysikk-OL her: http://www.fys.uio.no/skolelab/fysikkol/ 

Matematikk - OL  (Niels Henrik Abel konkurransen i matematikk)
For andre år på rad er Firda beste skulen i landet med tre elevar blant dei 21 som går til landsfinalen.  Som ifjor er vi også i år einaste skule i landet med meir enn ein deltakar i finalen. Vi gratulerer!! 

Atle Rygg Årdal (3AAA)

Vidar Klungre (2AAA)

Espen Austrheim Erdal (3AAA)

Desse skal saman med 18 andre samlast til  landsfinale ved NTNU i Trondheim 9. mars. Dei tre beste i landsfinalen, saman med tre som må gjennom ei ekstra kvalifiseringsrunde,  går vidare til den internasjonale finalen i Ljubljana i Slovenia 10.-18. juli. Les meir om Niels Henrik Abelkonkurransen her.

Resultat i 2. runde         
Atle nr. 3, Vidar nr. 5 (delt), Espen nr. 15  (det deltok i alt 3940 elevar i konkurransen)
Resultat i landsfinalen
Atle nr. 3, Vidar nr. 4 og Espen nr. 9 (dvs. at av dei ti beste var 3 frå Firda)
Atle er klar for internasjonalt OL i Ljubljana i Slovenia 10. - 18. juli. Truleg vil også Vidar kome med etter ei ekstra kvalifiseringsrunde.

Når det gjeld laginnsats (3 elevar på laget) er Firda på topp i landet innafor matematikk og 4. best i landet innafor kjemi. Dette er utruleg bra for ein liten allmennfag skule som Firda. Bjarte Lofnes Hauge har også greidd å kvalifisere seg til landsfinalen i alle tre faga og endåtil blitt bestemann i landet i fysikk (delt førsteplass). Dette er ein utruleg sterk prestasjon. Litt om resultata nedanfor.

Matematikk - OL  (Niels Henrik Abel konkurransen i matematikk)
Her var Firda beste skulen i landet. Finalistane frå Firda er Vidar Klungre (1AAA), Atle Rygg Årdal (2AAA) og Bjarte Lofnes Hauge (3AAA)

Vidar Klungre

Atle Rygg Årdal

Bjarte Lofnes Hauge

Desse skal saman med 18 andre samlast til "treningsleir" og landsfinale i Oslo i midten av mars. Dei beste i landsfinalen går til den internasjonale finalen i Mexico til sommaren. Les meir om Niels Henrik Abelkonkurransen her.

Resultat i landsfinalen: Vidar nr. 7, Atle nr. 9 og Bjarte nr. 13.

Kjemi - OL
I kjemiolympiaden vart Firda 4. beste skule i landet i lagkonkurransen. Bjarte Lofnes Hauge er vår mann i finalen. Her møter han 15 andre finalistar frå resten av landet til treningsleir og finale i Oslo 14. - 19. mars.  Dei beste frå denne finalen reiser til internasjonalt OL i Taiwan i slutten av juli. Les meir om kjemi OL her.

Bjarte Lofnes Hauge - kjemifianlist        

Resultat i landsfinalen: Bjarte vart nr. 1 og vinnar!!

Fysikk - OL
I fysikkolympiaden var Bjarte Lofnes Hauge best i landet. Rett nok delte han førsteplassen med Nina Holden frå Berg vgs. Dei 20 som gjekk til landsfinalen skal på "treningsleir" og avsluttande finale ved Universitetet i Oslo 4. - 8. april. Dei beste går vidare til internasjonal finale i Spania sommeren 2005. Les meir om fysikk OL her.

Bjarte Lofnes Hauge - beste i fysikk!

Resultat i landsfinalen: Bjarte vart nr. 8. Sidan tre av dei som var framfor skal delta i matematikk-OL får Bjarte tilbod om å delta i den internasjonale finalen. Han kjem likevel til å takke nei for å delta på kjemi-OL i Taiwan.