Odd Fellow Ordenen i Norge arrangerer kvart år ein to vekers tur for norsk ungdom til USA. Føremålet med turen er å gje norsk ungdom ein brei bakgrunn for FN si verdsomspennande, fredsbevarande og humanitære verksemd og gje ålmenta innsikt i Odd Fellow Ordenen sitt positive arbeid. Første veka av turen vil bestå av omvisningar, førelesingar og foredragskonkurransar om FN-relaterte tema i FN-bygningen og besøk til kjende minnesmerke. Denne delen av turen vert saman med omlag 150 andre ungdomar frå Europa og Canada. Andre veka vil verte ei rundreise i USA.

Kven kan delta?
Ungdom som har fylt 16 år, men ikkje fylt 18 år før 15. juli 2006. Viss du ynskjer å delta så kontakt adm.leiar Gunnar Nygjerd snarast.

Korleis kvalifiserer du deg?
Først må du skrive ein stil om eitt av følgjande tema:

1. Sett i lys av det nye verdsbiletet der terrororganisasjonar gir grunnlag for ufred og krigstilstandar, til dømes hendinga i New York 11. september 2001, drøft FN si rolle som fredbevarande verksemd i dette biletet.
   
2. Drøft FN si rolle som fredsbevarande organisasjon for å løyse kriser og konfliktsituasjonar i ulike land, til dømes Irak-problematikken.
   
3. Beskriv og gi ei vurdering av FN sitt humanitære arbeid.
   
4. Drøft FN sitt arbeid for barn i naud.

På grunnlag av stilane vert det plukka ut 1-2 deltakarar pr. skule. Deretter vert det intervju med skulevinnarane for på grunnlag av stil + intervju velje ut vinnaren som får reise til USA. I Sogn og Fjordane ser det ut som berre tre vidaregåande skular kjem til å delta, så sjansen til å kvalifisere seg er ganske stor om du skriv ein god stil.

Reisa
Vinnaren skal reise saman med vinnarane i andre fylke på denne turen som går frå Oslo 1. juli med retur 15. juli. Alle kostnader vert dekka. For å få eit inntrykk av kva reisa går ut på kan du sjå på rapportar frå reisene dei tre føregåande åra:
Ungdomsreisa 2005 | Ungdomsreisa 2004  |  Ungdomsreisa 2003

Fristar
Meld frå til adm.leiar Gunnar Nygjerd snarast råd dersom du ynskjer å delta.
Frist for å levere stilen:  17. februar (før vinterferien).
Intervju og endeleg val av vinnar vil skje i første halvdel av mars.