Vi kan no invitere til ein ny Firdafestival i komande veke. Elevar og lærarar har i lengre tid førebudd programmet, som er blitt svært bra. Det er stor spennvidde i framsyningane, og vi vil ynskje alle hjarteleg velkomne til gode opplevingar.

Programmet byrjar med ein stor Gershwin-kveld onsdag, der kor, orkester, solistar og dansarar er med. Dette er hovedframsyninga, der dei fleste elevane er med. Vidare vert det arrangert konsertar og framsyningar på Kulturskulen, i Blackbox, Sandane Senter, biblioteket og Gloppen Hotell. Studer programmet, og set av tid til å la deg bli forført på operakafe, nyt god mat og drikke på visekveld, eller la deg fasinere av absurde dramatikarar og vakre danse-duettar!

Her finn du:
Program for festivalen
Foldar med program
Omtale av dei to absurde teaterstykka