Hurtigmeny – klikk på det du vil ha informasjon om

PPT | Legeattest | Helsesøster | Helsestasjon for ungdom

PEDAGOGISK-PSYKOLOGISK TENESTEKONTOR (PPT)

Eit PPT-kontor er ein stad der eleven kan få hjelp i spørsmål som gjeld hans/hennar personlege, sosiale eller skulemessige utvikling. Det er viktig å ta opp problema før dei vert for store, og det er aldri gale å kome tidleg med noko som blir opplevd som vanskeleg.

PPT kan hjelpe deg med:

§ fagvanskar - t.d. lese-/skrive-/språk- eller talevanskar

§ vanskar i samband med funksjonshemmingar

§ vanskar ved overgang frå ein skule til ein annan

§ vanskar i samband med seksualitet

§ familieproblem

§ konfliktar - t.d. forhold til lærar/medelevar

§ vanskar med hybellivet

§ mistrivsel/angst/depresjonar/mobbing/søvnvanskar/matvanskar/rusproblem osv.

Fagpersonalet ved kontoret har teieplikt. Det vil seie at det du fortel ikkje blir fortalt vidare, med mindre du gir løyve til det.

PP-tenesta har mange målgrupper og mangfaldige oppgåver.

I tillegg til barn/unge/vaksne med ulike hjelpebehov må arbeidet også omfatte oppgåver i forhold til

§ foreldre/føresette

§ skulen som organisasjon

§ den einskilde lærar

§ gruppe/klasse

§ skuleadministrasjon

I mange tilfelle vil oppgåvene også omfatte arbeid i høve til fritidsmiljø og bumiljø og samarbeid med helse-/sosial-/kultur-etaten.

I vidaregåande skule er rådgjevarane ein viktig samarbeidspart.

PPT held til i Sørstrandsvegen 31 og har telefon nr. 57 86 57 41.

LEGEATTEST TIL ELEVAR.

Etter møte mellom skulen og kommunelegen er det semje om at elevane har krav på legeattest i følgjande tilfelle:

• ved langtidssjukdom, dvs sjukdom i 2 veker eller meir. Kronisk sjukdom treng ikkje vere
  samanhengande for å kome inn under denne regelen.
• ved sjukdom under eksamen
• når eleven har sjukdom som krev tilrettelegging av prøver, eksamen og undervisning – til dømes allergi. Slike attestar må innehalde grunngjeving/dokumentasjon av sjukdom og kva tiltak som krevst.

HELSESØSTER

Helsesøster har kontortid på Helsestasjonen (i helsesenteret nedanfor Domus) måndagar kl. 12.30 – 14.00.

Elevar kan kontakte helsesøster for samtale/råd som vedkjem helse/trivsel/samliv - eller andre vanskar ein kan ha som ungdom. Tenesta er gratis.

Helsesøster har teieplikt.

HELSESTASJON FOR UNGDOM

er open kvar måndag kl. 14.00 – 16.00 og der vil også lege vere tilstades (same stad som helsesøster). Her kan du gå for konsultasjonar, undersøkingar og prøvetaking, og alt dette er gratis. Du kan gå her utan å avtale tid på førehand, men du kan også ta kontakt på telefon 57868033 eller 57868030 eller mobiltelefon 90076293.