Hugseliste i samband med Operasjon Dagsverk 2006

OD-dagen er fredag 27. oktober

I god tid før OD-dagen

§ OD-komiteen syter for informasjon til pressa omkring OD-dagen (formål, opplegg, etc.)

§ OD-komiteen set (om nødvendig) annonse i Firda Tidend for å skaffe jobbar.

§ OD-komiteen informerer i klassane om opplegget på OD-dagen.

Deltaking

§ Alle som skal delta på OD må skrive seg på dei gule klasselistene (tillitselev/OD-kontakt har ansvar for dette).

§ Dei gule klasselistene må OD-kontakt/tillitselev i klassen levere OD-komiteen innan onsdag 25. oktober.

§ Dei som ikkje deltek i OD møter på skulen til eige opplegg på OD-dagen (rom nr. 2).

§ Dei som korkje deltek eller møter på rom nr. 2 får fråvær for denne dagen.

Før OD-dagen

§ Skaff deg sjølv arbeid eller be OD-komiteen hjelpe deg med dette.

§ VIKTIG! - arbeidskort vert utdelt av tillitselev/OD-kontakt i klassen på førehand (dette MÅ du ha!).

På OD-dagen

§ Hugs å ta med arbeidskortet når du skal ut på OD-jobb.

§ Fyll sjølv ut delen med elev/skule-informasjon og skriv under på kortet.

§ Be arbeidsgjevar fylle ut sin del av kortet og krysse av for betalingsmåte (.

§ Viss arbeidsgjevar betalar via internett så vis han internettadressa (www.betale.od.no) som står på kortet.
NB! Viss giro/kredittkort vert nytta, så må denne internettadressa brukast og referansenummeret MÅ førast på arbeidskortet!
Viss han betalar kontant så ta imot pengane (minstesats er kr. 300).

§ Riv av og gje arbeidsgjevar hans kopi av arbeidskortet (rosa).

Etter OD-dagen

§ Innlevering av arbeidskort (den gule delen) og innbetaling av pengar skal skje til OD-komiteen i tida 12.00-12.30 første måndag-tysdag-onsdag etter OD på rom K2 (1. etasje i gamlebygget).

Takk for innsatsen og lukke til med OD!