REGLAR FOR BRUK AV DATAROM

Skulen ynskjer å ha eit godt tilbod til elevane innan data, både når det gjeld fagtilbod og bruk av datautstyr i fritimar og utanom skuletid. For at dette tilbodet skal kunne oppretthaldast seier det seg sjølv at skulen må setje klare reglar for bruken av datarom og utstyr.

 Bruk av dataromma

  1. Opningstidene for dataromma vert kunngjort ved oppslag på dørene. Desse tidene må respekterast. Alle må forlate rommet i god tid før ny undervisningstime tek til.
  2. Det må ikkje flyttast stolar inn eller ut av dataromma. Dei stolane som er der skal stå på fast plass, ein til kvar PC, og ikkje flyttast rundt i rommet.
  3. Mat og drikke skal ikkje takast med inn på dataromma.
  4. Alt boss må fjernast før du forlet rommet.
  5. Alt arbeid med fag går føre fritidssyslar på dataromma. D.v.s. at om du har skulearbeid du treng datamaskin til, kan du be ein som ikkje arbeider med noko fagleg om å overlate datamaskina til deg.

 Bruk av datautstyret

  1. Bruk datautstyret som om det var ditt eige. Ikkje utsett utstyret for hardhendt behandling og ver varsam med kablar og leidningar.
  2. Det er ikkje tillate å bruke datamaskinene til spel.
  3. Det er ikkje tillate å installere eigne program korkje på lokal harddisk (C:) eller på nettverksstasjonane.
  4. Eigne datafilar kan berre lagrast på eigen privat stasjon/katalog (H:) eller på diskett.
    Filar som blir lagra på lokal harddisk (C:) vil kunne bli sletta av systemansvarleg.
  5. Eigen stasjon (H:) kan ikkje innehalde meir enn max. 10 MB data. Dersom den vert større kan alle data på H: stasjonen verte sletta av systemansvarleg
  6. Ver merksam på at ved slutten av kvart skuleår vert alle data på H: - stasjonane til avgangselevane sletta. Ta difor kopi på diskett av data du vil ta vare på..
  7. Alle elevar får eige brukarnamn og passord. Brukarnamn og passord kan ikkje "lånast ut" til andre.
  8. Internett må brukast med fornuft og bruk av CHAT-program (som t.d. mIRC) er ikkje tillate.

Kostnadene med skrivar har auka sterkt. Ta berre utskrifter som er høgst nødvendige, dette gjeld spesielt utskrifter frå Internett.